Herisetra ara-nofo amin’ny zaza tsy ampy taona

Migadra eny Antanimora ilay mpanolana tetsy Namontana

Fandriampahalemana
Alatsinainy 22 Jolay 2024

Nampidirina am-ponja vonjimaika eny Antanimora ny 19 Jolay lasa teo ny zazalahy

iray 17 taona rehefa voamarina fa nanolana ankizivavy kely vao 3 taona monja teny Namontana, Boriborintany fahaefatra. Tsikaritry ny Ray aman-dRenin'ilay zaza fa niova ny toe-pahasalaman'ny zanak'izy ireo. Natao ny fizahana teny amin'ny mpitsabo ka voamarina fa niharan'ny fanolanana izy. Nametraka fitoriana avy hatrany izy ireo ka ny 17 jolay teo no voasambotra teny Namontana Anosibe ilay zazalahy nahavanon-doza. Fantatra tamin’izany fa nandritra ny fotoana tsy nahateo ny Ray aman-dReniny no nanolanan'ity tovolahy ity an'ilay zaza. Miha mahazo vahana indray ny fanolanana tato ho ato teto amintsika. Hatreto anefa dia mbola tsy hita ihany, mba tsy hitenenana hoe nampanginina, ny lalàna fampiharana ilay famosirana izay tena andrasan’ny besinimaro mba hamaizana ireo mpanao ratsy.
Pati
Legende : Efa maka saina any Antanimora ity tovolahy mpanolana ity