HALATRA VOAMASO TAO AMBAHIKILY

Renim-pianakaviana iray tsy misy maso ila intsony

Fandriampahalemana
Alarobia 05 Febroary 2025

Renim-pianakaviana iray manodidina ny 45 taona eo ho eo no fantatra fa tsy misy maso ila intsony

amin’izao ao Toliara ao ary mbola manaraka fitsaboana any amin’ny hopitaly. Lasibatr’ireo jiolahy mpangalatra voamaso mantsy izy io tamin’ny herinandro lasa teo, tranga niseho tao Befasy Fokontany Beadabo, Kaominina ambanivohitr’Ambahikily, raha araka ny loharanom-baovao azo. Tsy mbola hita io voamasony ila io hatramin’izao raha toraka izany koa ireo naka azy. Raha araka ny loharanom-baovao azo hatrany moa dia zava-maranitra no nakan’ireo jiolahy ny masony izay nongotany manta. Soa ihany araka izany fa tsy nahafaty ity Renim-pianakaviana ity ny zava-nitranga. Vao voa rahateo izy dia nisy nahita ary nahazo fitsaboana avy hatrany.
Nangonin’i Pati
Legende : Ilay Renim-pianakaviana lasibatra !