Fandriampahalemana

Halatra Tuk Tuk Voavely maritoa ny lohan’ilay mpamily

Fandriampahalemana
Talata 18 Aogositra 2020

Lehilahy iray 25 taona izay voalaza fa mpangalatra tuk tuk no voasambotry ny polisy miasa ao amin’ny SUT Toamasina ny 16 aogositra lasa teo tokony ho tamin’ny 7 ora hariva.

Naka tuc tuc izay niala avy eo amin’ny Saint Paul ho any amin’ny Génie militaire Barikadimy io lehilahy io sy ny namany iray. Rehefa nandeha anefa izy ireo dia ilay mpamily indray no notafihiny. Avy hatrany dia novelesiny maritoa teo amin’ny lohany . Tsy tafatsangana moa ity farany ka lasan’ireo mpandroba ilay tuk tuk.Tsikaritry ny manodidina izany fihetsika izany ka tsy nisalasala izy ireo nanampy no sady niantso ny polisy miasa any an-toerana. Raikitra ny fifanjehana ka tsy lasa lavitra dia tra-tehaka ny lehilahy iray tamin’ireo mpanao ratsy raha tafaporitsaka kosa ny namany. Mbola tratra teo koa ilay tuk tuk nangalarina izay vaky ny fitaratra eo aloha ka efa naverina tamin’ny tompony.

Pati