Fandriampahalemana

Halatra tele sy solosaina teny Ambohipo Lahilahy iray saika matin’ny fitsaram-bahoaka

Fandriampahalemana
Alarobia 08 Martsa 2023

Lehilahy iray, 28 taona no saika matin’ny fitsaram-bahoaka omaly Talata 07 martsa tokony tamin'ny 9 ora maraina teny Ambohipo.

Raha araka ny fantatra dia namaky tranon’olona tamin’ny andro atoandro io lehilahy io. Teo am-pangalarana ny “télé écran plat” 01 sy solosaina enti-tanana 01 ary finday 01 izy no tra-tehaky ny tompon-trano ka nirifatra nitsoaka avy hatrany. Raikitra ny fifanenjehina ka tra-tehaky ny fokonolona teo amin'ny manodidina ity olon-dratsy ity. Nataon'ny fokonolona fitsaram-bahoaka izy nandritra izany ka raha tsy tonga ara-potoana ny Polisy dia saika namoy ny ainy mihitsy. Noentin'ny Polisy tany amin'ny hopitaly ity jiolahy ity notsaboina, avy eo noentina tany amin'ny biraon'ny Polisy nanaovana fanadihadiana. Efa tafaverina any amin’ny tompony avokoa moa ireo entana avy nangalariny ireo.
Nangonin’i Pati
Legende : Tratra ambodiomby nangalatra ity lehilahy ity !