Fandriampahalemana

Halatra sy vaky trano tany Sambava Tsy ampy taona avokoa ireo olon-dratsy15 tratra

Fandriampahalemana
Zoma 12 Mey 2023

Tena efa mirona amin’ny fanaovan-dratsy ny ankamaroan’ireo tanora eto amintsika rehefa tsy mazoto ny mianatra intsony.

Ankoatra ny fidorohana zava-mahadomelina sy ny fivarotan-tena dia tsy vitsy ihany koa ireo efa mangalatra sy mamaky trano toy izy 15 mianadahy ireto izay nosamborina tany Sambava hatramin’ny omaly. Raha araka ny loharanom-baovao azo dia mbola tsy ampy 18 taona avokoa izy ireo. Tao anatin’ilay hetsika 3 andro nanaovan’ny mpitandro filaminana fampandriana fahalemana ny tananan’i Sambava no nahatrarana azy ireo. Efa natolotra ny fitsarana ambaratonga voalohany ao Antalaha moa izy ireo ary nalefa eny anivon’ny toerana fitazonana zaza nania avokoa. Vehivavy avokoa ny 5 amin’izy 15 mianadahy ireto.
Nangonin’i Pati