Halatra omby tao Mahitsy

Mbola misy olona 3 karohina

Fandriampahalemana
Talata 17 Desambra 2024

Raha ny tokony ho izy dia omaly no niakatra teny amin'ny fampanoavana ireo olona tratra tamin'ilay

halatra omby tao Mahitsy ka sarona tao amin'ny fianakavian'ny ben'ny tanàna teo aloha tao Ambohidratrimo, hoy ny fampitam-baovao voaray omaly. Miisa 7 ireo efa voasambotra. Ny 2 tratra ambodiomby, izay zaodahy sy rain'ilay ben'ny tanàna teo aloha. Ny 5 hafa voasambotra taty aoriana. Mbola misy olona 3 karohina, raha ny fantatra. Ny tena loza tamin'ity halatra omby ity dia ao anaty trano ipetrahana mihitsy no nasiana efitrano iray nametrahana ireo omby halatra. Miditra eo amin'ny trano fandraisam-bahiny mihitsy aloha dia mivadika ao amin'ny efitrano ilany ilay valan'omby halatra. Arahina akaiky, araka izany, ny momba ity raharaha ity, raha ny fampitam-baovao hatrany.
J. Mirija