Fandriampahalemana

Halatra moto teny Itaosy Tratra izy telolahy mpiray petsapetsa

Fandriampahalemana
Sabotsy 13 Mey 2017

Voasambotry ny polisy miasa ao amin�ny kaomisaria Itaosy ny alarobia teo, teny Amberivatry Bemasoandro Itaosy ny mpangalatra moto telolahy. Raha tsiahivina, nisy olona vaky trano teny amin�iny faritra iny ny alin�ny 23 martsa lasa teo.

Lasan’ny mpangalatra tamin’izany ny moto iray, mitentina 2.200.000 Ar. Nametraka fitoriana ilay tompon-trano taorian’izay. Indray andro, nisy olona nanatona ilay tompona moto, nilaza fa sao dia mahita na hividy moto fa misy manana ary azo aseho ny sary. Gaga ilay tompony fa ilay azy very ihany io sary naseho io. Nanoro olona hafa izay nitazona ny taratasina moto ilay voalohany. Io avy eo no nahasamborana ilay nitazona moto tao an-tranony. Efa tafaverina amin’ny tompony ilay moto ankehitriny. Ireo olona telo voatazona dia ilay nanera ilay moto amidy, nitazona ny taratasy ary ilay nitazona ilay moto. Eny amin’ ny Cite Itaosy sy ny manodidina no toerana tena fanaovan’izy ireo ny asa ratsiny, miandry ireo mpanala azy ka izay tratra farany no tena lasibatra. Natolotra ny fampanoavana omlay izy ireo.

Pati