Fandriampahalemana

Halatra moto Saika raikitra ny fitsaram-bahoaka

Fandriampahalemana
Alarobia 01 Aprily 2020

Andro atoandro be nanahary tokony ho tamin’ny 1 ora sy fahefany tolakandro no nitrangan’ny fikasan’ny tovolahy iray saika hangalatra moto tao amin’ny lalam-baovaon’ny fokontanin’i Tanambao V, Toamasina.

Nahatsikaritra izany ny tompon’ity moto ity sy ireo mponina tao an-toerana ka avy hatrany dia nanambotra sy saika nanao fitsaram-bahoaka ilay tovolahy. Nirongatra ny hatezeran’ny olona izay efa leon’ny fihibohana an-trano sy ny fahatapahan’ny fiveloman’izy ireo vokatry ny afitsok’ity areti-mandripaka COVID19 ity, raha ny filazan’ny mpampita vaovao azy. Ilay lasibatry ny halatra no nandray andraikitra niaro ity tontakely ity sy namerina nanidy azy tao am-bavahadiny fa raha tsy izany, hoy ny fanazavana, dia efa matin’ny olona teo io olon-dratsy io. Tonga nandamina ny toe-draharaha moa ny mpitandro filaminana ao an-toerana, minitra vitsy tao aorian’izay.

J. Mirija