Fandriampahalemana

Halatra moto miampy daroka 12 ny fitarainana voaray tamin’ny febroary

Fandriampahalemana
Zoma 04 Martsa 2022

Manoloana ny trangana halatra moto sy ny fidarohana mpitondra moto amin’ny bois rond izay niseho tato ho ato teto Antananarivo Renivohitra dia nandray andraikitra manokana ny polisim-pirenena hiadiana amin’izany.

Raha tamin’ny volana febroary teo manokana dia nahatratra 12 ny fitarainana voaray teo anivon’ny polisim-pirenena mikasika ny fahaverezana moto. Ho an’ny trangana daroka bois rond kosa indray dia iray ny fitarainana voarain’izy ireo. Nanokatra fanadihadiana ny Polisy, ary natao ny fomba rehetra hikarohana ireo moto ireo. Nahitam-bokany ny ezaka natao vokatr’izany. Moto miisa 07 no indray hita tao anatin’ny fotoana vitsy nahaverezany. Mbola karohina hatrany kosa ireo mpamono olona mpidaroka mpitondra moto.
Pati
Legende : Mafotaka ny fisavana ireo moto eny an-dalana hahafantarana ireo moto hafatra