Fandriampahalemana

Halatra mitam-piadiana Lehilahy iray no voasambotra tany Mahajanga

Fandriampahalemana
Alatsinainy 16 Novambra 2020

Nisesisesy tao amin’ny fokontanin’ Antanamalandy, kaominina ambonivohitra Mahajanga ny halatra mitam-piadiana.

Tokantrano maro no efa lasibatra tamin’izany ka nanokatra fanadihadiana ny kaomisaria afovoany any an-toerana. Lehilahy iray 35 taona araka izany no voatery nosamborina. Tamin’ny 13 novambra lasa teo no nanaovana fidinana ifotony tao an-tokantranony ka nahitana fitaovana maro toy ny antsy be, basy vita gasy iray miampy bala miisa roa sy vola maromaro. Olona tsara sitrapo no nampita ny vaovao mahakasika ity lehilahy ity sy ny mombamomba azy ka nahafahan’ny mpitandro ny filaminana namita izao iraka izao.

Pati