Halatra fiara teny Ambohidratrimo

Olona miisa 5 hatreto no voasaringotra

Fandriampahalemana
Zoma 09 Febroary 2024

Naharay fitoriana momba ny fahaverezana fiara ny zandary

teto amin’ny distrikan’Ambohidratrimo ny 7 febroary, nanodidina ny tamin’ny 12ora antoandro, hoy ny fampitam-baovaon’izy ireo omaly. Teny amina tobin-tsolika tao Ivato ity fiara ity no niantsona ary tamin’ny 10 ora no hita farany, hoy ny fanazavana, no izao very izao araka ny fitarainan’ny tompony. Nandray ny andraikiny avy hatrany ireo zandary ary nametraka ireo paikady rehetra. Vokany, voahodidina tao amina toerana iray ao amin’ny kaominina Ampanotokana, distrikan’Ambohidratrimo ireo mpangalatra niaraka tamin’ity fiara ity. Mahin-dratsy izy 3 lahy ka mbola nokasaina hafenina ao amina trano misy tamboho indray ilay fiara saingy efa tsy afaka nitsoaka intsony ka noraisim-potsiny. Nosamborina ireto mpangalatra. Naverina amin’ny tompony ny fiara taorian’ny fanamarinana rehetra ary mitohy ny fanadihadiana. Olona miisa 5 hatreto no voasaringotra amin’ity raharaha ity, hoy hatrany ny fampitam-baovao voaray.
J. Mirija