Fandriampahalemana

Halatra «batterie » amin’ny andrin-jiro 2 lahy tratra teny 67 ha

Fandriampahalemana
Talata 16 Janoary 2024

Lehilahy roa omaly no tratra nangalatra vato aratry ny andrin-jiro mandeha

amin'ny herin'ny masoandro teny Andohatapenaka. Raha araka ny fantatra dia polisy miasa eny 67ha nanao fisafoana toy ny mahazatra teny amin'iny faritra Andohatapenaka iny no nahatsikaritra azy ireo. Tsy taitra mihitsy izy roalahy ireo nangady ny fototry ny andrin-jiro mandeha amin'ny herin'ny masoandro teny an-toerana tokony ho tamin'ny 05ora30. Vao nanatona azy ireo ny Polisy dia avy hatrany dia nandositra niaraka tamin'ny batterie solaire miisa roa izy ireo saingy tsy tafatsoaka lavitra dia tratra. Noentina niazo ny biraon'ny Polisy teny 67ha ireto jiolahy roa mba ho atao famotorana. Mitohy kosa ny fikarohana ireo olona naniraka azy roalahy ireto sy ireo mpandray ny fitaovana halatra.
Pati
Legende : Ireo izy roalahy tratra !