HALA-BOLA 2 TAPITRISA AR

3 lahy sarona teo am-pisotrosotroana

Fandriampahalemana
Alatsinainy 25 Aogositra 2025

Lehilahy miisa telo no voasambotry ny Polisim-pirenena tao Mananara Avaratra

taorian’ny halatra vola 2.000.000 Ariary izay niseho tao amin’ny tranon’ny Talen’ny orinasa iray tany an-toerana, ny harivan’ny 21 Aogositra lasa teo. Naharay vaovao avy amin’ny olona tsara sitrapo ny Polisim-pirenena, raha tsiahivina , izay nilaza fa nisy olona mampiahiahy nividy zava-pisotro tao amin’ny trano fisotroana iray ao amin'ny Fokontany Andraokaraoka. Nidina avy hatrany teny an-toerana ny Polisy nisambotra ireo ahiahiana. Tamin’ny fisavana natao dia nahitana ilay vola 2.000.000 Ar tao anaty kitapon'ny iray tamin'izy ireo. Niaiky ireo voasambotra fa avy tamin’ilay halatra io vola io, ary nilaza fa nampian’ny mpahandro tao an-trano ihany koa izy tamin’ny fanatanterahana izany. Notanana natao fanadihadiana ireo mpangalatra mialohan'ny hanolorana azy ireo eo anatrehan'ny fampanoavana.
Pati
Légende : Ireto izy telolahy !