GRAND PAVOIS ANTSIRANANA

Lehilahy iray tratra nangalatra kahie 2 fonosana

Fandriampahalemana
Alarobia 30 Aogositra 2023

Lehilahy iray manodidina ny 20 taona mahery eo ho eo no tratran'ny olona nangalatra kahie 2 fonosana tany amin'ny

bazary Grand pavois Diego omaly. Nasain'ny olona nandohalika nilaza ny zavatra nataony ity tovolahy ity no sady nifona. Raha araka ny fahitan’ny maro azy moa dia mety efa manan-janaka kely tokony hianatra ity lehilahy ity saingy tsy manana fahafahana ny hividy fitaovana ka izao lasa nanaotao foana izao. Misy ihany koa ireo mihevitra fa mety noana izy ka izay hitany rehetra eny no hangalariny havadiny ho sakafo mankany am-bava….Nizara roa moa ny hevitry ny olona nanoloana ity tovolahy ity. Nisy ireo nandefa azy moramora ary nananatra azy mba tsy hangalatra intsony raha nisy ihany koa ireo tsy nanaiky fa nitondra azy tany amin’ny mpitandro ny filaminana.
Nangonin’i Pati