Fandriampahalemana

Fonjan’Antanimora 3.356 ny voafonja ao, tsy voatsara ny 60 %

Fandriampahalemana
Sabotsy 02 Septambra 2017

Tsy ampy ny fotodrafitrasa, mitombo isa hatrany ireo tsy voatsara. Ireo amin’ny ankapobeny no olana sedrain’ireo voafonja tazonina etsy Antanimora.

Raha voafonja 800 isa mantsy no tokony horaisina ao an-toerana dia efa tafakatra 3.356 izy ireo ankehitriny ka ny 2.673 amin’ireo dia lehilahy avokoa. Ho an’ireo zazalahy kely tsy ampy taona dia 24 mirahalahy amin’ireo 125 no voatsara, antony nanosika ny solontenan’izy ireo hangataka tamin’ny talen’ny kabinetran’ny minisiteran’ny fitsarana ny amin’ny hijerena akaiky izany omaly. Nandritra ny fitokanana ilay Chapelle iray vaovao natsangana ao Antanimora no nanararaotan’izy ireo nanaovana izany fangatahana izany omaly. Chapelle izay tafiditra ao amin’ny faritra misy ireo zazalahy tsy ampy taona nefa azon’ireo voafonja rehetra hampiasaina ihany koa. Vokatry ny fiaraha-miasan’ny fikambanana Mahasoa, ny Bethleem ary ny fonja izy ity, hoy Rakotonandrianina Olivier, lehiben’ny fonjan’Antanimora izay nifanindry tamin’ny fankalazana ny fahafolo taona niasan’ny Aumônerie Protestanta tao amin’ny fonja ihany koa.

Pati