FOKONTANY ANKAZOTOHO

ANOSIZATO ANDREFANA

Fandriampahalemana
Alarobia 10 Jona 2026

Fialokalofan'ny jiolahy, hahazoana fitarainan-dava

Anisan'ny Fokontany iray tena mampitaraina olona fatratra ny Fokontany Ankazotoho, kaominina Anosizato Andrefana, Distrikan'Atsimondrano. Saika handrenesana fitarainana hatrany mantsy ao an-toerana raha ny loharanom-baovao azo toy ny vaky trano, ny hala-botry raha tsy lazaina intsony ireo mpifoka zava-mahadomelina sy mpanakorontana fiaraha-monina amin'ny alina. Ho voavaha tanteraka anefa izany olan'ny mponina izany manomboka izao. Napetraka omaly Talata 09 Jona mantsy ny vato fototra hananganana ny paositry ny Polisy ao an-toerana mba hametrahana fahandram-pahalemana maharitra. Nankasitraka feno ny fitondram-panjakana tarihin'ny kolonely Randrianirina Michael , ny Minisitry ny filaminam-bahoaka, ary ny Talem-paritry ny Polisim-pirenena Analamanga ny mponina ao Ankazotoho Anosizato Andrefana vokatr'izany. Anisan'ny hetahetam-bahoaka eny ifotont rahateo ny fijoroan'io foto-drafitrasa io.
Nangonin'i Pati
Légende : Nandritra ny fametrahana ny vato fototra omaly !