Fandriampahalemana

Fiverenana eo anivon’ny fiarahamonina Voafonja 20.000 notohanan’ny Handicap International

Fandriampahalemana
Alarobia 09 Aogositra 2017

Tafakatra 20.000 isa manerana ny Nosy ankehitriny. Ny 96 %-n’izy ireo anefa no mbola manana fanantenana feno ny amin’ny hiverenany soa aman-tsara eny anivon’ny fiaraha-monina, indrindra taorian’ny nanampian’ ny fikambanana Handicap International azy ireo.

Anisan’ny asa goavana notanterahin’ireto farany tamin’izany ny fanomezana fiofanana ireo mpandraharahan’ny fonja ho fanajana ny zon’ny voafonja. Tafiditra ao anatin’izany ny tsy tokony hakàna vola amin’izy ireny, tranga izay mety hiseho eny anivon’ny fonja, ny ady amin’ny herisetra amin’ny endriny maro samihafa raha eo ihany koa fitsaboana azy ireny raha marary, ny fananganana foto-drafitrasa ara-pahadiovana…Betsaka ireo voafonja nahatsiaro ho maivana vokatr’izany, indrindra taorian’ny asa niantsorohan’ity fikambanana iray ity. Misy amin’izy ireo mantsy no mila tsy hahariva andro isan’andro no sady mahatsiaro irery hatrany ka nomena fialam-boly manokana ihany koa. Nisy omaly ny tatitra nataon’izy ireo mikasika ny asa vitany teo anatrehan’ireo tompon’andraikitra isan-tsokajiny eny anivon’ny Ministeran’ny Fitsarana sy ny fonja manerana ny Nosy. Ny Alliance Française de développement moa raha tsiahivina no namatsy vola ny asa, izay hifarana amin’ity volana aogositra ity.

Pati