Fandriampahalemana

Fivarotan-drongony amin’ny mpianatra Lehilahy roa no voasambotra teny Androndrakely

Fandriampahalemana
Alakamisy 19 Novambra 2020

Lehilahy iray no saron’ny polisy nivarotra rongony sy zava-pisotro mahamamo teo

akaikin'ny sekoly "SEKINA" eny Androndrakely ka nosamborina avy hatrany. Tamin'ny fahatongavan'ny polisy teny an-toerana dia mbola nahatratrarana rongony 03 fonosona sy toaka gasy 05 litatra tany amin'izy roalahy ireto. Fantatra tamin'izany fa ireo mpianatra eny amin'iny manodidina an'io faritra voalaza etsy ambony io no tena tadiavin'izy ireo hanjifa ireo entana izay entiny. Efa nadoboka am-ponja vonjimaika eny Antanimora moa izy roalahy ireto taorian’ny nihainoana azy teny anivon’ny fampanoavana. Tsiahivina fa voararan’ny lalana ny fivarotana toaka na rongony manodidina ny faritry ny sekoly.

Pati