Fandriampahalemana

Fitandroana ny filaminana Hanatsara ny fomba fiasa ny aoToliara

Fandriampahalemana
Alakamisy 15 Oktobra 2020

Manomboka mihetsiketsika avokoa ireo kaominina an-tanan-dehibe amin` ny fanamafisana ny ady amin` ny tsy fandriampahalemana.

Taorian` ny Kaominina Antananarivo Renivohitra sy Kaominina ambonivohitry Toamasina dia ny kaominina ambonivohitry Toliara indray no manomakomana amin` ny fanatsarana ny asan` ireo polisy monisipaly amin’ny fitandroana ny filaminana. Noho ny fiarahamiasa eo amin` ity kaominina ity sy ny mpiara-miombon`antoka aminy dia nahazo fanamiana vaovao ireo polisy monisipaly miisa 51 avy amin` ny orinasa misahana ny fiambehana VIGIE. Raha ny fantatra ihany koa fa afaka hanohy ny fanazaran-tenany amina trano fikotranana ihany koa izy ireo atsy ho atsy. Izany dia hahafahan` izy ireo hahatontosa ny asany amin'ny fitandroana ny filaminana sy ny fandaminana ny tanàna.

Marigny A.