Fandriampahalemana

Fisolokiana eny amin’ny “cash point” Vehivavy karana iray voasambotra

Fandriampahalemana
Alakamisy 24 Novambra 2022

Vehivavy iray voalaza fa teratany karana no voasambotra teny Anosy Avaratra Distrikan’Antananarivo Avaradrano, taorian’ny fisolokiana avo lenta tamin’ny alalan’ny fakana vola tamin’ireny « cash point » ireny.

Nanomboka ny alakamisy herin’ny anio no voalaza fa nanesy nitety naka vola tamin’ireo cash point eny Avaradrano izy. Nanomboka teo Ankadikely ka hatrany Sabotsy Namehana, saingy tratra ihany noho ny farany, raha ny fanamarihana. Nasesiny notetezina nakana vola amin'ny alalan'ny Mobile Money ireo Cash point. Nisy nahatsikaritra anefa ny asa ratsiny ka tratra ihany. Efa nivondrona sy nametraka fitorina ihany koa ireo voasoloky. Isan’ny endrika isehoan’ity fisolokiana avo lenta ity ny hoe: fakana ny anarana “Mvola” na “Orange Money” na “Airtel Money” rehefa mandefa “message” izy. Mody maka vola, na manao “retrait”. Alainy ilay laharana hanaovana “retrait” avy eo “message” tsy izy no tonga ao amin’ilay “cash point”. Lasany ny vola dia mitsoaka izy, hoy ny fanamarihana, ary efa maro no lasibatra.
Toky R