Fandriampahalemana

Fikatonan’ny karieran’i Ranomena Ahiana tsy hampandry fahalemana

Fandriampahalemana
Sabotsy 22 Jolay 2017

Milefitra amin’ny fitondram-panjakana ireo mponina ao Ranomena na dia eo aza ny fanahian’izy ireo amin’ny mety ho fanakatonana ny ny kariera fitrandrahana kraoma ao an-toerana.

Raha hisy tokoa izany dia tsy hanakana ny fanapahan-kevitry ny fitondrana izahay fa mangataka kosa ny hijerena manokana ny fiainan’izy ireo satria dia efa lasa foto-pivelomana any an-toerana ny fitrandrahana kraoma, hoy izy ireo. Nampiakatra ny faripiainan’ireo mponina izany ary maro ireo mpandraharaha midina any an-toerana mividy. Nisy aza mpandraharaha nanangana vondrona hanatontosa fotodrafitrasa fanamboran-dalana mihitsy ary nanapa-kevitra hanao latsakemboka 10 tapitrisa ariary isak’ireo mpandraharaha satria ratsy ny lalana ao Ranomena, distrikan’i Toamasina II. Manahy ny amin’ny hiverenan’ny tsy fandriampahalemana ireo mponina raha hakatona tokoa ity kariera ity.

J. Mirija