FIKASANA HANGALA-JAZA

Lehilahy iray voasambotra

Fandriampahalemana
Alatsinainy 28 Septambra 2026

tany Morondava

Lehilahy iray no voasambotry ny Polisy avy ao amin’ny CRFIP Menabe, ny 23 Septambra teo, tao Tsimahavaobe Morondava, noho izy nikasa hangala-jaza. Zazalahy kely 10 taona no voalaza fa nokendrena tamin’izany. Raha araka ny loharanom-baovao dia nilalao io zaza io no notiliany. Niezaka niantso ny mpitandro ny filaminana araka izany ny mponina ka voasambotra teny an-toerana ilay olona, ary nentina natao andri-maso sy nanokafana fanadihadiana. Vaovao farany voaray mikasika ity tranga ity ny fampidirana am-ponja vonjimaika ilay lehilahy. Mbola karohina kosa ireo mpiray tsikombakomba aminy.Manentana hatrany ny mpiara-belona tsy hisalasala hitoroka ireo mpanao ratsy ary hanome loharanom-baovao ny mpitandro ny filaminana raha misy mampiahiahy hahafahana mametraka fandriam-pahalemana maharitra.
Nangonin’i Pati
Legende : Any am-ponja ilay ranamana ity no tsy maintsy hanohy ny fiainany !