Fandriampahalemana

Fikasana hanafika mpambongady Jiolahy iray no matin’ny polisy teny amin’ny 67 ha

Fandriampahalemana
Talata 25 Aprily 2023

Saika nitrangana fanafihana mpambongady tetsy amin’ny 67 ha omaly Alatsinainy atoandro. Jiolahy miisa 2 mitam-basy no voalaza fa saika hiketrika izany saingy sendran'ny Polisy nanao fisafoana.

Nitifitra avy hatrany ireto farany raha vantany vao nahatsikaritra izany no sady niaro ny tenany ka jiolahy 01 no lavon'ny balan'ny Polisy. Tafaporitsaka kosa ilay jiolahy namany iray hafa ka mbola hifampitadiavana hatramin’ny omaly hariva. Tsy tontosa vokatr’izany ilay fanafihana saika nataon’ireo jiolahy ireo. Tsiahivina moa fa voasokajy ao anatin’ny faritra mena mihitsy ny tananan’ny 67 ha amin’izao. Ankoatra ny mpanendaka sy ny jiolahy mitam-basy mpanao fanafihana tahaka izao dia eny an-toerana ihany koa no ahitana ireo ati-doha mpamatsy zava-mahadomelina ny manodidina azy toy ny cocaine…. Tokony ho hentitra amin’ny fanaraha-maso iny faritra iny ny mpitandro ny filaminana noho izany.
Pati