Fandriampahalemana

Fikasana hamaky orinasa Efa nananan’ireo mpangalatra ny fanalahidin’ny birao

Fandriampahalemana
Talata 20 Desambra 2022

Tovolahy miisa 02 nikasa hamaky orinasa lehibe iray tany Morondava no sarona rehefa nifanena tamin’ny mpitandro ny filaminana ny 18 desambra teo tokony ho tamin'y 11 ora atoandro.

Tao Betsipotika, kaominina ambanivohitr’ Analaiva distrikan'i Morondava no nitrangan’izany. Raha araka ny fantatra dia nitondra kitapo ary saika niverin-dalana izy roalahy ireto raha vantany vao nifanena tamin'ireo mpitandro ny filaminana. Nifanenjehan'ireo mpiambina sivily tao amin'ity orinasa saika notahifiny izy ireo nandritra izany, tranga niseho nanoloana ilay orinasa. Nandritra ny fisavana azy ireo dia mbola nahitana fanalahidy izay saika namahan'izy ireo ny birao misy ireo vy izay an'ity orinasa lehibe ity tany aminy. Efa maro mantsy ireo vy izay nisy nangalatra tao. Hatolotra ny fampanoavana amin’ity herinandro ity izy ireo.
Nangonin’i Pati
Legende : Ireto izy roalahy tratra