Fandriampahalemana

Fifanjevoana tany Fianarantsoa Jiolahy 3 maty, 5 azo sambo-belona

Fandriampahalemana
Alarobia 01 Septambra 2021

Lavon’ny OMC ao Fianarantsoa ireo jiolahy raindahiny miisa 3 fantatra fa nanao asa ratsy namoizana ain’olona. Omaly tokony ho tamin’ny 5ora hariva

no raikitra ny fifanjevoana teo amin’ny jiolahy sy ny mpitandro ny filaminana tao Tsaramandroso sy Ampitakely ao Fianarantsoa taorian’ny loharanom-baovaon’ny mpitandro filaminana. Nirefodrefotra ny poa-basy, izay heverina fa nisy ny fikasana hitsoaka, ka nahalavo ireo jiolahy 3, ary 5 kosa azo sambo-belona. Heverina fa ireo jiolahy mpanendaka sy mpanao fanafihana, ary mpamono olona ireto lavo sy azon'ny mpitandro ny filaminana ireto. Tratra rahateo ny antsy, sabatra, karazana basy vita gasy,… fampiasan’ireo olon-dratsy. Efa nilaza moa ny governora any an-toerana, fa fa tsy maintsy ahitam-bokany ny fampandriana fahalemana ao anatin'ny herinandro, ka dia io niseho io ny fanenjehana sy fitifirana ireo voalaza fa jiolahy. Tsy milamina ny tanàna any an-toerana satria olona 4 no nindaosin'ny fahafatesana tao anatin'ny andro vitsy monja, izay vokatry ny fanendahana sy ny fanafihana ataon'ireo jiolahy, ary anisan'ireo nindaosin'ny fahafatesana vao andro vitsy izay ny mpanao gazety iray lasibatr’ireo tsivalahara.
Toky R