Fandriampahalemana

Fifampitifirana teny Anosibe Jiolahy iray no matin’ny polisy

Fandriampahalemana
Alatsinainy 05 Jona 2023

Polisy manao fanamiana sivily amin'ny 4 ora maraina manao fisafoana any anaty elakelan-tranon'Anosibe no nifanehitra tamin'ireo andian-jiolahy nitondra fitaovam-piadiana,

raha ny fampitam-baovao voaray ny sabotsy teo. Nisy ny fifampitifirana teo amin'ny roa tonta, hoy ny fanazavana. Polisy iray no naratra raha jiolahy iray niaraka tamin'ny antsy lava kosa no lavon'ny balan'ny mpitandro filaminana. Saika hanatanteraka asa ratsy moa izy ireo no izao nifanena tamin'ny Polisy izao. Mitohy ny fitadiavana ireo naman’ity jiolahy lavo ity, hoy hatrany ny fanazavana.
J. Mirija