Fandriampahalemana

Fidirana ho polisy Nahemotra amin’ny 9 sy 10 jolay ny fanadinana

Fandriampahalemana
Alarobia 25 Mey 2022

Nahemotra amin’ny 09 sy 10 jolay ho avy izao ny fotoana hanatanterahana ny fanadinana hidirana ho polisim-pirenena eto amintsika.

Nahemotry ny tompon’andraikitra hatramin’ny 10 jona koa araka izany ny fara fanaterana ireo antontan-taratasy maro samihafa ilaina hanampiana ireo nitaraina fatratra fa tsy maintsy nanafatra kopia tany ambanivohitra lavitra. Tsiahivina moa fa ankoatra ny diplaoma toy ny BEPC izay ilaina dia ilaina ihany koa ireo karazana taratasy momba ilay olona toy ny fanamarinam-ponenana, ny kopia mari-pahaterahana, ny atrikefa efa hananany….Na izany aza marobe ireo efa nahavita nanatitra ny antontan-taratasy raha mbola marobe ihany koa ireo ho avy hanatitra. Nampanantena moa ny tompon’andraikitra fa hangarahara tanteraka ny fifaninana ahitana ireo tena nianatra sy vonona amin’ny fanompoana ny tanindrazana marina.
Nangonin’i Pati