Fandriampahalemana

Fiarakaretsaka Hatao nomerika ny licence manomboka izao

Fandriampahalemana
Zoma 29 Mey 2020

Hatao nomerika manomboka izao ny licence-n’ny fiara karetsaka miasa eto an-drenivohitra hialana amin’ny kolikoly sy ny tsy ara-dalàna ary maimaim-poana izany.

Nivoitra io nandritra ny fanazavana nentin’ny kaominina mikasika ny asa fanavaozana tanterahin’izy ireo ho an’ny fiara karetsaka eto amintsika. Tsy ao anatin’ny tetikasan’ny kaominina Antananarivo Renivohitra kosa ny famerenana ny « lanterne » hoy hatrany izy ireo raha tsy andraikitry ny omavet intsony ihany koa ny fanaovana contre visite. Mikasika ny fizarana ny vatsy Tsinjo ho an’ny mpamily fiarakaretsaka manokana dia nahatratra 2000 ireo mpamily voamarina fa ara-dalàna sy nahavita « visite de conformité » tamin’ny nanombohana ny fizarana izany fanampiana izany. Ankehitriny kosa efa mihoatra ny 4000 no ara-dalàna ary mbola mitohy ny fikarakarana ireo ambiny tsy mbola nahazo izany. Tanjon’ny kaominina moa ny hitondrana ny mangaraharaha mikasika ny tetikasa tanterahin’izy ireo eo anatrehan’ny vahoaka.

Pati