Fandriampahalemana

Fiantsonan’ny Taxibe Ampasampito Mpangarom-paosy iray indray no tratra ambodiomby

Fandriampahalemana
Alatsinainy 15 Martsa 2021

Mpangarom-paosy iray indray no saron’ny polisy avy ao amin'ny kaomisarian’ny polisin’ny Boriborintany fahatelo

teny amin’ny tobim-piantsonan’ny taxibe Ampasampito ny 10 martsa lasa teo tokony ho tamin'ny 7ora sy sasany maraina. Polisy miasa eny amin’iny faritra iny manao fanamiana no nahatazana ity mpangarom-paosy ity nanao ny asa ratsiny. Teo am-panokafana ny kitapon-dehilahy iray miandry taxibe izy no tratra ambodiomby ka tsy afaka namaly intsony. Nentina natao fanadihadiana avy hatrany ny lehilahy taorian’izany raha tamin’ny 12 martsa lasa teo kosa no nohainoan’ny fampanoavana ka naiditra am-ponja vonjimaika.

Pati