Fandriampahalemana

Fianarantsoa Hita tao anaty fiangonana ireo moto halatra

Fandriampahalemana
Alarobia 27 Jolay 2022

Moto miisa 2 an’ny tetikasa ACCESS, fandaharan’asa miompana betsaka amin’ny ara-pahasalamana tohanan’ny Sampan-draharaha Amerikanina momba ny fampandrosoana iraisam-pirenena (USAID) no nisy nangalatra.

Tao Fianarantsoa no nisehoan’izany ny alin’ny alahady lasa teo. Soa fa nisy ny teknolojia GPS (Global Position System) tamin’ny moto, ka ny tondro nomen’izany no narahin’ny polisy, ary hita soamantsara ny toerana nisy izany. Ny tena nahavalalanina sy nanaitra, tao anaty Fiangonana iray no hita nipirina ny halatra. Tena fa miharatsy ny fiarahamonina, hany ka hatrany anaty fiangonana no hahitana zavatra halatra. Fifandrifian-javatra ihany ve sa ny tranom-pivavahana mihitsy no lasa fialokalofan-jiolahy na mitaiza jiolahy? Mitohy ny fanadihadiana, tsy maintsy hofongorina ny tambanzotran-jiolahy, hoy ny fampitam-baovao mikasika ity toe-javatra ity.
Toky R