Fiainam-piarahamonina

Partagé sur :
• facebook

Nitrangana toe-javatra mampihorin-koditra omaly 16 jolay 2925

tao amin’ny fokontany Morafeno, kaominina Arivonimamo I. Mpiandry omby no nahita fatin’olona nodorana tanteraka tao anaty lavapako iray manakaiky ny lalana mankany amin’ny piste Antanibe, ka nampandre avy hatrany ny sefom-pokontany. Nifanindry tamin’izany, raim-pianakaviana iray avy any Antanibe no tsy hita nanomboka ny Talata hariva, taorian’ny niverenany avy amin’ny fetim-pianakaviana tao Manazary. Vao saika handefa filazana amin’ny radio ny fianakaviana, dia tojo ilay razana nodorana. Ny ba-kiraro sy tapany amin’ny t-shirt sisa tsy may no nahafahan’ny zanany telo mirahalahy nanamafy fa rainy tokoa ilay olona, izay maty novonoina sy nodorana. Tonga nanao fanadihadiana ifotony avy hatrany ireo tompon’andraikitra: Médecin Inspecteur sy Chef CSB, Zandary sy Polisim-pirenena, Ben’ny tanàna Arivonimamo, Chef fokontany Morafeno sy Antanibe. Sesilany ny zava-doza amin'izao: olona tsy hita, olona misy mandevina antsokosoko, eny fa hatramin'ny kidnapping,... Vao omaly ihany koa izao dia nisy tranga mahatsiravina mitovy amin'io tany amin'ny faritra Anjozorobe. Revim-pianankaviana efa lehibe iray no tsy hita efa ho iray volana teo. Nifampitafiavana hatry ny ela. Omaly vao hita saingy efa vatana mangatsiatsiaka potika tanteraka sisa hita notototofana ravin-kazo. Ny akanjony sisa no nahafantarana azy. Nialon'ireo ny nahitana an'ilay tovolahy antsoina hoe Mahandry izay vao avy nividy moto avy eo tsy hita popoka ny volana martsa ary 4 volana aty aoriana vao hita ny fatiny efa potika, nalevina antsokosoko. Lasibatra avokoa na olon-tsotra na manan-katao, ka entanina ny rehetra ho mailo sy hitandrina satria tena tsy kely lalana ny ratsy.
Nangonin'i Toky R
 

Tia Tanindrazana

Samia mijoro ho an'i Gasikara.