Fandriampahalemana

Fatin-dehilahy tsy nisy maso sy lela Olona 4 no efa nadoboka am-ponja

Fandriampahalemana
Alatsinainy 08 Novambra 2021

Lehilahy miisa efatra no fantatra hatreto fa efa voasambotra voarohirohy tao anatin’ilay raharaha vono olona tany amin’ny faritra Menabe ka nahitana lehilahy iray efa tsy nisy maso sy lela intsony tany anaty ala.

Raha tsiahivina kely ny tantara dia tamin’ny 14 oktobra lasa teo no tsy hita popoka intsony ity raim-pianakaviana izay monina any amin’ny distrikan’i Mahabo. Folo andro taorian’izay vao hita ny vatana mangatsiakany izay efa tsy nisy maso sy lela intsony. Niakatra fampanoavana tamin’ny zoma lasa teo tao Morondava moa izy 4 dahy ireto ka ary nadoboka am-ponja vonjimaika avy hatrany mba hisaintsaina ny zava-misy, mandra-piandry ny fotoam-pitsarana azy.
Nangonin’i Pati