FASIKA TANJOMBATO

Lehilahy iray nendahina sy novonoina, natsipiny tany anaty rano

Fandriampahalemana
Zoma 17 Oktobra 2025

Nahitàna fatin-dehilahy iray manodidina ny 35 taona

eo ho eo omaly Alakamisy 16 Oktobra maraina teny amin'ny Fasika Tanjombato. Raha araka ny loharanom-baovao azo dia io ilay tovolahy nisy nanendaka afak'omaly Alarobia hariva handeha hamonjy fodiana. Natsipin'ireo mpanao ratsy tao anaty rano izy taorian'izany rehefa vitany izay nataony. Maraina vao nisy nahita ny razana ka nanaovana antso tao anaty tambajotran-tserasera Facebook. Tsiahivina fa ankoatra ity lalana Fasika Tanjombato dia anisan'ny Faritra tena mena amin'ny tsy fandriampahalemana ihany koa ny eo Ankadimbahoaka miazo an'Androndrakely. Saika ahitana fatin'olona hatrany eny amin'iny faritra iny ka anisan'ny tena betsaka ireo lehilahy na Raim-pianakaviana handeha hamonjy fodiana tratra alina.
Nangonin'i Pati
Légende : Ity ilay tovolahy fony mbola velona !