Fandriampahalemana

Faritra mena i 67 ha Zazalahy roa indray no voaendaka rojo volafotsy

Fandriampahalemana
Talata 20 Oktobra 2020

Tovolahy iray, 18 taona no voasambotry ny polisy avy ao amin’ny CSP7 ny sabotsy teo teny amin’ny Bonarabe 67 ha .

Raha araka ny fantatra dia nanendaka tovolahy kely 12 taona miisa roa, tamina elankelan-trano iray teny 67 ha ny tovolahy. Nosakanan’izy sy ny namany avy hatrany ireo zazalahy ireo, ary nendahiny ny rojo volafotsy teny amin’ny tanany izay misy vatosoa mitentina 480.000 Ar kasa lasa nandositra izy ireo. Nametraka fitoriana avy hatrany ny ray aman-drenin’ireo zazalahy voaendaka ireo. Nisy avy hatrany ny fanadihadiana natao ka fantatra ny toeram-ponenan’ny iray tamin’ireo mpanendaka. Noraisim-potsiny ity farany tamin’ny fotoana nodiany teo amin’ny Cité akaikin’ny Parking 67 ha. Nandritra ny fanadihadiana natao tamin’ity voasambotra ity dia niaiky ny heloka vitany izy. Nambarany kosa fa ilay namany izay nara-nanao ilay asa ratsy taminy no nitondra ilay rojo volafotsy. Mbola karohina io namany io ankehitriny. Natolotra ny fampanoavana omaly ny tovolahy.

Pati