Fandriampahalemana

Faritra Itasy Hametraka paikady iadiana amin` ny halatr’omby

Fandriampahalemana
Alarobia 12 Aogositra 2020

Miverina manjaka ny halatra omby eto Madagasikara ary maro dia maro ny fitarainana momba izany.

Manoloana izany dia namory ireo lehiben’ny mpitandro filaminana ao amin’ny faritra Itasy ny governoram-paritra any an-toerana. Nambarany fa vonona hanome tolo-tanana amin'ny fanatanterahana izany ny tenany. Nofaritana niaraka ireo paikady hiatrehana ny ady amin’ny tsy fandriampahalemana amin'ny ankapobeny ary ny ady amin'ny halatr'omby. Hamafisina, araka izany, ireo hetsika manokana manoloana ny fitombon'ny halatr'omby miseho tany amin' ity faritra tato ho ato. Ankoatra izay dia nampatsiahy ihany koa ny governora ny amin'ny tsy maintsy hanaovana ezaka manokana amin'ny fampiharana ny fepetra hiadiana amin'ny valan'aretina Coronavirus ary ao anatin'ny fanajana ny Zo maha-olona no hanatanterahana izany.

Marigny A.