Fandriampahalemana

Faritra Alaotra Olana goavana ny tsy fandriampahalemana sy ny haratsian-dalana

Fandriampahalemana
Talata 07 Aogositra 2018

Anisan’ny vato misakana tsy hahafahan’ny Faritra Alaotra Mangoro mandroso ankehitriny ny haratsian-dalana any amin’ny lalam-pirenena faha-44 izay tsy mety vita.

Toraka izay koa ny tsy fandriampahalemana izay tena mahazo vahana tanteraka, indrindra any amin’ny faritra ambanivohitra ka mahatonga ireo tantsaha mpamokatra handry an-tsaha isan-kalina. Manana olana ihany koa izy ireo amin’ny resaka tontolo iainana. Tsy voaaro intsony ny rano, miharipaka ny zetra sy ny bandro. Mitady ho faharoa ihany koa izy ireo amin’ny famokaram-bary noho izay resaka haratsian’ny tontolo iainana izay ihany raha voalohany teo aloha….Manoloana ireo tranga ireo dia nanatanteraka loabary an-dasy nifampidinihan’ireo vato nasondrotry ny tany teny Antaninarenina ny fikambanan’ny zanak’Alaotra ny faran’ny herinandro teo. Lohahevitra noraisin’izy ireo ny hoe : ny FIZALAOTRA sy ny zava-misy ankehitriny manoloana ny fampandrosoana ny faritra. Voafaoka tao avokoa ny resaka sosialy, politika, ekonomika izay hanaovana raki-kevitra hodinihina ary hatolotra ny fitondram-panjakana. Tsy hijanona hatreo anefa izany fa hanaovana fanaraha-maso manokana mba hahafahana mamerina ny lanjan’ity faritra iray ity.

Pati

Legende : Ny filohan’ny fikambanana FIZALAOTRA, ny jeneraly Rabearivony Justin