Fandriampahalemana

Faritra 67 ha Mody mitrotro zaza ireo mpangaro-paosy

Fandriampahalemana
Alatsinainy 16 Mey 2022

Tena efa mahita paikady hafa mihitsy ireo mpangarom-paosy amin’izao. Ankoatra ireo mody misisitsisika anaty taxibe dia mody mitrotro zaza indray ny sasany amin’izao mba hanakonany ny asa ratsiny.

Polisy nanao fanamiana sivily nijoro teny amin'ny tobim-piantsonana no nahatsikaritra lehilahy mpangarom-paosy iray nanao izany fihetsika izany teny amin’ny 67 ha ny faran’ny herinandro teo. Mody nitrotro zaza izy kinanjo nanataka poketrana vehivavy iray niandry taxibe teny amin'ny tany malalaka. Nosamborina avy hatrany ity lehilahy ity. Miisa 04 moa izy ireo no tratran'ny Polisy mody izay samy mitondra zaza avokoa kanefa dia mpangarom-paosy sy mpanendaka mianakavy. Ankoatra ilay mitrotro sazy dia efa teknika fampiasan’ny mpangaro-pasoy indrindra fa ireo anaty fiara fitateram-bahoaka ny mody mitazona akanjo amin’ny tanany iray, iny no hanakonany ny paosy na kitapo na poketran’ilay olona ho petahany.Manararaotra ilay misika , misy olona miditra na miala ny Taxi be ireo mpangaro-pasoy no tena manao ny asa ratsiny.
Nangonin’i Pati
Legende : Santionany tamin’ireo tamin’ireo mpangarom-paosy nitrotro zaza tratra