FANONDRANANA SOKATRA RADIATA

Lehilahy iray sarona tany Ejeda

Fandriampahalemana
Alarobia 22 Novambra 2023

Lehilahy iray manodidina ny 40 taona mahery no nosamborina tany Ejeda, Faritra Atsimon’ny Nosy ny 16 Novambra

lasa teo rehefa nikasa hanondrana ilay karazan-tsokatra antsoina hoe : radiata. Miisa 16, ireo sokatra saika haondrany ireo raha araka ny fantatra. Ara-potoana anefa ny fampandrenesana ny zandary tao Ejeda nataon’ireo fokonolona Faratse, ka nahitam-bokany avy hatrany. Tafatsoaka moa ireo naman’ity lehilahy mpanondrana sokatra ity izay miisa 03 be izao. Efa eo am-pelatanan'ny fitsarana ao Ampanihy ny raharaha raha efa noraisi'ny Turtle Survival Alliance Madagasikara nokarakaraina kosa ireo sokatra 16 isa ireo. Tsiahivina moa fa tafiditra ao anatin’ireo karazan-tsokatra ahiana ho lany taningana ny sokatra radiate. Ny mampalahelo anefa dia mbola misy hatrany ireo mihaza azy ireny mba haondrana tahaka izao na koa hatao laoka eny amin’ny hotely.
Pati
Legende : Ireto ilay sokatra !