Fandriampahalemana

Fanoherana ny herisetra Nanao diabe ireo mpitondra moto ao Maintirano

Fandriampahalemana
Zoma 02 Oktobra 2020

Mpitondra moto iray no namoy ny ainy, dimy hafa naratra mafy vokatry ny fanakanan-dalana nataon'ny dahalo tany amin’ny kaominina ambanivohitra Analakinapa Disitrikan’i Maintirano afak’omaly alarobia.

Raha araka ny loharanom-baovao dia tsy vao sambany no nitrangana toe-javatra mampalahelo tahaka izao tany an-toerana fa saika isan’andro mihitsy. Ireo mpitondra moto ireto anefa no hany manampy sy manavotra ireo olona hamonjy ireo toerana fodiany tsy tongan’ny fiara na koa hivoaka ny tanana. Nisy ny hetsika izay notanterahin’izy ireo tamin’ny alalan’ny filanjana sora-baventy mitety tanana omaly ho fanairana ny tompon’andraikitra manomboka eny anivon’ny Fokontany ka hatrany amin’ny mpitandro ny filaminana. Mbola manaraka fitsaboana any amin’ny hôpitaly moa ireo dimy hafa naratra mafy raha efa nalain’ny fianakaviany kosa ny vatana mangatsiakan’ilay namoy ny ainy.

Pati