Fandriampahalemana

Partagé sur :
• facebook

Tovolahy telo, 15 sy 16 ary 23 taona no nosamborin’ny Polisy miasa ao amin’ny

CSP3 ny 17 sy 18 novambra teo teny Antsobolo Ambatomaro. Namaky sy fangalarana zavatra tao anaty fiara izy ireo no tratra. Ny 13 novambra no nitrangan’izany.Fiara maromaro nijanona tao anaty garazy no lasibatra tamin’izany ka zavatra betsaka no very toy ny batery, auto radio, subwoofer ary baffle. Nametraka fitoriana teny amimn’ny CSP3 Antaninandro ny tompon’ireo zavatra very. Taorian’ny fikarohana nataon’ny Polisy dia fantatra fa tovolahy telo no nanao izany halatra zavatra ao anaty fiara izany ka voasambotra ny 17 novambra lasa teo ny tovolahy iray. Ity farany indray avy eo no nanoro ny namany roa hafa izay nosamborina teny an-toerana hatrany ny ampitson’iny ihany. Miditra avy hatrany amin’ny toerana iray misy garazy moa izy ireo raha araka ny fanazavany. Tsapainy ny varavaran’ny fiara raha tsy mihidy ka eo no hanararaotany maka ny entana ao anatiny toy ny bateria, bafle, cle ary radio. Raha misy entana hafa toy ny boite-na vitesse 4L mipetraka dia alaina ihany koa ary rehefa azony dia entina eto an-drenivohitra ka ny boite-na 4l hamidy 30.000Ar, ny bateria 30.000Ar, ny subwoofer 15.000Ar. Efa nigadra noho ny resaka halatra zavatra anaty fiara toy izao ny roalahy amin’izy ireo . Enim-bolana tany am-ponja izy ary nivoaka ny volana febroary lasa teo. Natolotra ny Fampanoavana ny 19 novambra teo ihany koa izy 3 lahy.

 Pati

Tia Tanindrazana

Samia mijoro ho an'i Gasikara.