Fandriampahalemana

Fanendahana mifanesy eny 67ha Lehilahy iray sy vehivavy bevohoka nadoboka am-ponja

Fandriampahalemana
Zoma 07 Jona 2019

Noho ny harom-paosy vola roa alina ariary, vehivavy bevohoka iray no voasambotry ny polisy ny talata 4 jona teo.

Tamin’ny 10 ora maraina no voasambotra ilay vehivavy rehefa nangarona ny vola tao am-paosina vehivavy nandalo teo amin’ny ny Paositra 67ha. Polisy avy ao amin’ny Kaomisaria 67ha, izay nijoro teny am-pita no nahita azy nijokojoko ka nisambotra raha iny saika hitsoaka iny nony nahazo ilay vola. Tratra teny an-tanany ilay vola 20.000 Ariary, ka efa tafaverina tamin’ny tompony. Tamin’ny 4 ora tolakandro koa no voasambotra teo amin’ny manodidina ny Mada Hotel 67ha ny lehilahy 1 hafa. Roa lahy izy ireo no niara-nanao ity asa ratsy ity fa tafaporitsaka ny iray. Vehivavy iray no lasibatr’izy ireo. Niantso vonjy avy hatrany ity farany ka polisy nanao fanamiana sivily no nisambotra azy ireo.

Haja Nirina