FANENDAHANA ANATY TAKSIBE

2 lahy nampitaraina olona maro voasambotra

Fandriampahalemana
Alatsinainy 27 Novambra 2023

Mirongatra hatrany ny fanendahana anaty taxibe amin’izao eto an-drenivohitra.

Manao andiany mihitsy ireo jiolahy ka miisa roa raha kely indrindra izy ireo no indray manao izany. Saron'ny Polisin’ny Boriboritany faharoa teo am-panaovana ny asa ratsiny ireo roalahy havanana amin’izany ny faran’ny herinandro teo teny Ambolonkandrina. Polisy nanao fidinana an-kianja no nahatsikaritra azy ireo efa nandrahona sy nanendaka olon-tsotra teny an-toerana ka nisambotra azy ireo avy hatrany.Marihina fa ny iray amin'ireto olon-dratsy ireto dia efa nahazoana fitarainana maro indrindra tetoao amin'ny tambazotra sosialy "facebook" momba ny resaka fanendahana anaty fiara fitateram-bahoaka. Mitondra fitaovana toy ny antsy maranitra mihitsy izy mandritra izany mba hampitahorana ilay mpandeha ka tsy vitsy ireo efa lasibatra.
Pati
Legende : Ireto ry zalahy !