Fandriampahalemana

Fandriana Nahitana fatin-dehilahy mihosin-dra

Fandriampahalemana
Talata 02 Jona 2020

Nahitana fatin-dehilahy mihosin-dra vao maraim-be tao amin’ny tsena Ambatonandriana Fandriana ny afak’omaly alahadin’ny pentekosta 31 mey. Teo akaikin'ny tranobe no nahitana izany.

Tonga teny an-toerana avy hatrany ny Ben'ny Tanànan'i Fandriana, ny mpitandro ny filaminana ary ny dokotera mpitsabo. Araka ny fijerena nataon’ity farany dia vokatry fahaverezan-dra be loatra nateraky ny tsatoka zava-maranitra teo amin'ny vatan’ilay tovolahy no nitarika ny fahafatesany izay mponina eo amin'ny Fokontany Ambohidralamanga. Tsy lavitra ny toerana nahitana ny razana dia nisy ihany koa ny fahavakisana toeram-pivarotana miisa 2 ny alin'io ihany Sabotsy io ihany. Misokatra araka izany ny fanadihadiana hataon'ny mpitandro ny filaminana any an-toerana manoloana izao toe-javatra. Efa nalain’ny fianakaviany kosa ny razana.

Pati