FANAPARITAHANA VOLA SANDOKA

Ramatoabe 71 taona voasambotra

Fandriampahalemana
Alatsinainy 16 Jona 2025

Ramatoabe iray 71 taona no fantatra fa voasambotry ny Polisy avy ao amin’ny Kaomisarian’ny

Boriborintany faha-6 etsy Ambohimanarina, ny Alakamisy 12 jona hariva teo teny Ambodimita, noho ny fanapariahana vola sandoka. Niandry harivariva efa manomboka mihamaizina iny ity vehivavy lehibe ity no nikasa hamitaka mpitazona « cash point » iray. Nilaza fa hametraka vola 320.000 Ar tao anaty findainy izy kinanjo tsikaritr’ilay mpitantana « cash point » fa vola sandoka ireo nentiny. Nampandre ny Polisy avy hatrany ilay lasibatra ka tonga ny mpitandro ny filaminana nirotsaka an-tsehatra. Rehefa nohamarinina dia vola sandoka 20.000 Ar miisa 16 no hita teny amin’ilay Ramatoabe. Nentina avy hatrany teny amin’ny biraon’ny Polisy izy nanaovana fanadihadiana ka niakatra fitsarana tamin'ny faran'ny herinandro teo.
Pati
Légende : Ity ilay Ramatoabe sy ireo vola sandoka !