Fanapariahana zava-mahadomelina

Teratany vahiny nadoboka am-ponja ao Marofoto

Fandriampahalemana
Alatsinainy 04 Novambra 2024

Nadoboka am-ponja vonjimaika ny faran’ny herinandro teo rehefa avy natolotra ny Fitsarana

ilay lehilahy iray teratany vahiny nikasa hivarotra zava-mahadomelina mahery vaika tao Mahajanga. Olona tsara sitrapo no nanome vaovao ny mpitandro ny filaminana eo anivon’ny Kaomisaria Mahabibo ka nahafahana nisambotra azy. Mbola sarona tany aminy moa ireo fonosana maromaro nandritra ny fisavana ny entany. Tsiahivina fa ankoatra ny tsy fandriampahalemana dia manomboka manjaka ao Mahajanga ihany koa ny fidorohana zava-mahadomelina amin’izao izay tsy hanavana sokajin-taona intsony.
Nangonin’i Pati
Legende : Any am-ponja ilay ranamana ity sisa no mandinika !