Fanapahan-doha mirongatra ao Vondrozo

Napetraka ny “opération Lopingo”

Fandriampahalemana
Alatsinainy 04 Desambra 2023

Manoloana ny fanapahan-dohan’olona mirongatra ao amin’ny distrikan’i Vondrozo

dia napetraka ny hetsika na “opération” atao hoe Lopingo, hiadiana amin’izany, hoy ireo tomponandraikim-panjakana ao an-toerana. Ny fanentanana ny mponina hametraka andrimasom-pokonolona na “quartiers mobiles”, ho fiantohana misimisy kokoa ny fandriampahalemana ao an-toerana no tanjona, hoy ny lietna kolonely, Eugène Rakotoarisoa, komandin’ny vondron-tobin’ny zandarimaria Atsimo Atsinanana. Miantrana ao an-toerana koa amin’izao fotoana izao ireo zandary avy amin’ity toby ity sy ny zandarimaria ao Fianarantsoa. olona miisa ahiahiana moa no efa notazomina am-ponja vonjimaika nanomboka ny 20 novambra teo. Mbola anaty fanadihadiana isika amin’izao, hoy hatrany ny fanazavana, ary efa misy porofo voaray an-tanana miampy vavolombelona iray. Amin’ity herinandro ity no hiakatra fampanoavana ny raharaha. Ireo heverina fa faritra mena toa an’i Menabe, Melaky, Bongolava moa no nametrahana ny Lompingo, hoy hatrany ny fampitam-baovao sy fanazavana voaray.
J. Mirija