Fandriampahalemana

Fanaovana “kidnapping” Karohana fatratra Rams sy Jenny

Fandriampahalemana
Zoma 25 Aogositra 2017

Mpivady vao herotrerony, teratany Malagasy monina ivelan’Antananarivo Renivohitra no anisan’ny lohandohan’ny mpisorona amin’ny fakana an-keriny eto amintsika amin’izao fotoana.

Nasehon’ny polisy misahana ny ady heloka bevava tamin’ny mpanao gazety omaly tetsy Anosy ny sarin’izy ireo. Fantatra fa efa nahavita tranobe any Anosy Avaratra any mihitsy izy roa. Rahariniriana Olivia Jenny no anaran-dRamatoa ary Rakotoarimanana Pierre Joseph no anaran-dRangahy na Rams. Ahiana ho nokotrehin’izy ireo ny fakàna an-keriny an’i Yanish Ismael teny Ilafy sy ilay karàna tetsy Behoririka izay antsoina hoe Pradeep Chandarana. Miantso izay olona mahita azy mivady ireo ny mpitandro ny filaminana mba hiantso maika tsy hihambahamba ny laharam-pinday 034 05 517 26.

Pati