Fandriampahalemana

Fanafihana teny Anosiavaratra Voasokatr’ireo jiolahy ny varavaram-by

Fandriampahalemana
Alarobia 24 Jona 2020

Jiolahy miisa folo no indray nandroba sy nanafika mpivady kely monina ao Isahafa Anosiavaratra afaka omaly alatsinainy alina, raha araka ny vaovao azo.

Raha araka ny fijoroana vavolombelona nataon’ny fianakavian’ny lasibatra dia na dia milamina aza ny tanana misy azy ireo dia vao mainka mirongatra kosa ny halatra sy ny herisetra eny amin’iny faritra iny ka mampitaintaina ny mponina isan’andro. Voakasik’izany ny eny Lazaina, Malaza ary ny manodidina. Miantso ny Ben’ny tananan’ny kaominina ambanivohitra Ambohimanga Rova sy ny ao Anosy Avaratra araka izany ireo mponina eny an-toerana mba hijery akaiky ny asan-dahalo mahery vaika eny amin’iny faritra iny. Lohalaharana amin’izany ireo dahalo manao andiany folo ireo izay efa tena malaza nefa tsy mety tratra. Marihina moa fa tsy nisy ny aina nafoy sangy naratra mafy kosa izy mivady kely. Hita ho simba sy pempo mihitsy ny varavaram-by miditra ao amin’ny efitrano izay nanaovan’ireo dahalo amboletra raha toraka izany koa ny varavarankely tao an-dakozia….

Pati