Fanafihana teny Ambodiafontsy

Voasambotra ireo 2 lahy hita tao anaty « caméra »

Fandriampahalemana
Alatsinainy 03 Martsa 2025

Tratra ireo no tompon’antoka tamin’ny fanafihana natao tao amin’ny tokantrano iray teny Ambodiafontsy Ampitatafika,

ny alin’ny 28 febroary lasa teo. Voasambotry ny Zandary ary notazonina ao amin’ny brigady Fenoarivo ireo ankehitriny, raha ny tatitra. Tany Anjeva no nahatrarana ny anankiray, raha teny sabotsy Namehana kosa no nisamborana ilay namany. Raha hiverenana, niaritra herisetra ny zanaky ny tompon-trano, izay noratrain’izy ireo, ankoatra ny halatra natao. Hita tao anaty horonantsary avy amin’ny "caméra de surveillance" ny fihetsika nataon’izy ireo, ary niparitaka haingana tao amin’ny tambajotra sosialy "Facebook" ny sary sy ny horonan-tsary. Vokatr’izany dia natao ny fikarohana, izay nahitam-bokany ka nahafahana nisambotra azy ireo. Hatolotra ny fitsarana tsy ho ela ity raharaha ity.
Nangonin’i Toky R