Fandriampahalemana

Fanafihana tao Sarobaratra Ifanja Dahalo 5 lahy maty voatifitra, azo ny vola 15 tapitrisa Ar

Fandriampahalemana
Alatsinainy 04 Jolay 2022

Mirongatra ny tsy fandriampahalemana any amin’ny distrikan’i Miarinarivo. Dahalo miisa 5 ny faran’ny herinandro teo no indray maty rotidrotiky ny blan’ny zandary sy ny polisy tao Sarobaratra Ifanja.

Raha araka ny vaovao azo dia nahazoan’ny zandary vaovao izy ireo fa nitondra basim-borona 4 nanafika ny tsenan'Antsapantelo, ka niisa 7 izy ireo tamin’izany. Vokany, mpanangom-bokatra avy any Anosibe Ifanja no very 18 tapitrisa Ar. Voalaza fa nizotra nihazo an'Andolofotsy ireo malaso. Nihetsika avokoa ny mpitandro ny filaminana nandritra izany. Raha araka ny fantatra dia niafina tao anaty lava-bato ireo mpanao ratsy saingy voahodidina. Tsy nanaiky mora izy ireo fa nifampitifitra tamin'ny mpitandro filaminana nandritra ny adin’ny telo. Tsy nilavo lefona anefa ireo mpitandro ny filaminana hatramin’ny 03 ora hariva. Dahalo 5 no lavo vokatr’izany. Azo ihany koa ireo basim-borona 4 niampy 15 330 000 Ar. Dahalo avy any amin’ny faritra hafa avokoa moa izy ireo.
Pati
(Sary nindramina)